पुणे : स्वातंत्र्यदिनानिमित्त ‘महाराष्ट्र कॉस्मोपॉलिटन एज्युकेशन सोसायटी’च्या आझम कॅम्पसमध्ये ‘हाजी गुलाम मोहंमद आझम एज्युकेशन ट्रस्ट’चे अध्यक्ष मुन्नवर पीरभॉय यांच्या हस्ते ध्वजारोहण करण्यात आले. कार्यक्रमाच्या अध्यक्षस्थानी एम. सी. ई सोसायटीचे अध्यक्ष डॉ. पी. ए. इनामदार होते.
या वेळी विद्यार्थ्यांनी ‘कलर्स इंडिया’ संकल्पनेवर आधारित देशभक्तीपर सांस्कृतिक कार्यक्रम सादर केले. यात ‘पै फॅशन डिझायनींग अकॅडमी’, ‘हाजी गुलाम मोहंमद आझम एज्युकेशन ट्रस्ट’चे उर्दू प्रायमरी स्कूल, ‘एम. सी. ई. एस इंग्लिश मीडियम प्रायमरी स्कूल’, ‘अँग्लो उर्दू बॉईज हायस्कूल’, ‘अँग्लो उर्दू गर्ल्स हायस्कूल’, ‘गोल्डन ज्युबिली टेक्नीकल इन्स्टिट्यूट’, ‘तयैबिया यतीमखाना’, ‘पै पब्लिक स्कूल’च्या दीडशे विद्यार्थ्यांनी भाग घेतला होता. विद्यार्थ्यांनी स्व-संरक्षण आणि कराटेचेही प्रात्यक्षिक दाखविले.
कार्यक्रमाचे सूत्रसंचालन रुमाना शेख आणि उषा परदेशी यांनी केले. या वेळी एम. सी. ई. सोसायटीच्या उपाध्यक्षा आबेदा इनामदार, संस्थेचे सचिव लतिफ मगदूम, प्रा. इरफान शेख, ‘आझम स्पोर्टस् अॅसकॅडमी’चे संचालक गुलजार शेख, एन. वाय. काझी, डॉ. नझीम शेख, शाहिद इनामदार, हाबी कादीर कुरेशी आणि सर्व पदाधिकारी उपस्थित होते.
